لقطــــــــــــــــــــــــــــــــــــــــــــات

———————————————
فى ذكرى النكبة : نـــــور المقاومـــــة

                     نور المقاومة

                         شعر: عبد المجيد راشد

الأوله آه

و التانية آه

و التالته آه

الأوله جرحنا

و التانية نكبتنا

و التالته من قهرناعايشين بحسرتنا

الأوله جرحنا و مكتوب عليه بلفور

و التانية نكبتنا و تقسيم خريطة نور

و التالتة من قهرنا عايشين بحسرتنا و بغداد عليها الدور

الأوله جرحنا و مكتوب عليه بلفور ويا وعد خلانا

و التانية نكبتنا و تقسيم خريطة نور وفى الشتات خلانا

و التالتة من قهرنا عايشين بحسرتنا و بغداد عليها الدور يا أعمام و خلانا

الأوله عتمة

و التانية كاتمة

و التالته نور

الأوله عتمة و معششة فى الليل

و التانية كاتمة لنبض القلب و المواويل

و التالتة نور المقاومة طلته قنديل

يا نور و طالع

من روح همتك يا  بيوت

رافضة السكوت تانى

المزيد

فى ذكرى النصر الإلهى

   رسائـل الزمــــن المـــــر (9)

وصلتنى الرسالة التاسعة من أخى و صديقى الشاعر الرائع المبدع أحمد شلبى فى الأحد الثامن من إبريل 2007 و رددت عليها فى السبت الرابع عشر منه .

و اليكم الرسالة و الرد .

أولا : الرسالــة

……………….

 العباية ..

حكايه

خيمه وسيعه

بعمق أوجاعنا

تئوينا وتساعنا

متبطنه بالمسك

مفروشه بالحنه

تضمنا وتحضنا

اقباط وسنه

هوتو وتوتسى

شيعه وموارنه 

والعمامة …

رايه ..

وعلامه

متخضبه بالشرف

متلونه بالخطر

مشدوده على هامه

شامخه على قامه

فردت علينا ضلها النادى

مجاريح هوى …ويتامى

وهانونا ناس ياما

حكام على أعادى

جرحو فؤادى وبلادى

قالو الهزيمه قدرمكتوب

على جبينا

والذله بين البشر

من صحيح دينا

وأطلقتها .. هيهات

يا عمنا السيد

نفسى أزور وأبات

أهنى وأعيد

آخدلى لقمه وفرشه

أفردها وأجاور

أزاحم كتوف الخلق

أشب وأشاور

تلقطنى بسمة عيونك

تعرفنى .. تندهلى

أطير وأسكن فى حضنك

انت الحميم .. أهلى

باحب فيك الكرامه

والابتسامه الخجوله

ياللى نفضت التراب

من فوق بريق الرجوله

رجعتنى للأغانى

غسلتلى وجدانى

لمعت فيا معانى

غطاها ياما الصدأ

واللى انتهى من زمانى

يادوب لقيته .. بدأ

لما اسمعك ف الصبح

بيبقى أحلى صباح

لما اسمعك بالليل

باعرف أنام بارتاح

ولسه فى نفسى حاجات

ياعمنا السيد

نفسى أزور وأبات

أهنى وأعيد

آخدلى لقمه وفرشه

أفردها وأجاور

أزاحم كتوف الخلق

أشب وأشاور

تلقطنى بسمة عيونك

تعرفنى .. تندهلى

أطير وأسكن فى حضنك

انت الحميم أهلى

ويطيب لحالى المقام

تقوللى استنى

لسه ف قلبى كلام

تقوللى اتمنى

ياسيدى خجلان

تقول ولا يهمك

نفسى .. أنا عشمان

أبوس جبين  .. أمك 

أحمد شلبى

  ثانيا : الــرد

……………

 يا روايح النصراللى هلت

 من جنوب لبنان

والده من بطن أمتنا

ألوف شبان

قلوبهم الخضرا تهفهف

و الحناجر فى الميدان

المزيد

اتحـركــوا

اتحركوا

دا معتش حاجة تهمنا

غير همنا

فاتحركوا

يا تاريخ سنين

ملهاش عدد

فين المدد

يا شعبنا

طول عمرنا

كاتبين على الطين

دمنا

و الثورة

ابداع أرضنا

و الشهدا

أكتر م العدد

فاتحركوا

اتحركوا

يا فجر طالع

وسط عتمة

ليل جبان

يا سطر

منقوش بالسنان

يا حلم

أصله بينسقى

بدم الحنان

أنا من زمان

مستنى صوتكوا

يهز جيش الكدابين

و أنا من سنين

عاشق

غيطان الفلاحين

و بموت

ف ريحة العرقانين

وبغنى

مع صوت المكن

قلبى

فى خيوطه انسجن

و حلمى

فى بيوته سكن

اللـــــــه

الله ياشعب
المزيد

                   سيرة الأحـــــرار *

عبد المجيد راشد

هلى يا سيرة الأحرار و ضمينى

خلينى بعد الضنى أعرف صلاح دينى

خلينى ساير فى نور الحق و احمينى

انا اللى عاشق تراب الأمة فى جبينى

علامة ترمح فى ليل الدار

و صوت أنين الجار

و كل اللى جار

له مدار

و ما يرتمى فى الحضن

الا اللى طريقه دليل

يا أمة ليه العدا واقفين على بابك

شوية دخلوا و احتلوا

و الباقى على اعتابك

يا أمة ليه بالذات طول التاريخ مستهدفه

من خاين يبيعك ف سوق نخاسة ذليل

و من عميل

 ومن عدو جبان

يرتعش م المواجهة فى الميدان

و يغلبك بالغدر

و العملاء

بأسلحة محرمة

 و بالجبناء

لكنه عمره ما يتمكن

طول عمرنا و المقاومة

ترفع هامتنا لفوق

تمد لينا الطوق

ونتعلق فى أهدابه

طول عمرنا و المقاومة

هوى نتنفسه

ندى يبل ريق العطش

 طريق و نتحسسه

إيمان و نتلمسه

يا أمة الحق

أمتى الحق يتحقق

و صبحه يطلع بعد الفجرو يشقشق

و نطل من شبابيك نفوسنا

قلوبنا تبوسنا

و نتصالح مع روحنا

و نبقى احنا

يا أمة العدل أمتى الحال هيتعدل

و الظلم يتبدل

ويفيض علينا البراح و يزيد

و نغنى ألف نشيد

للسد عيد

و لكل مصنع جديد

و لخير أرضنا مواعيد

 هلى يا سيرة الأحرار وضمينى

خلينى بعد الشقى أعرف صلاح دينى

و نوري لنا  طريق العتمة و اسقينى

من نبع صافى شريانه يعدينى

نبع المقاومة طول عمره فلسطينى

شريان محبه وجهاد

موصول بقلب البلاد

موجوع بوجع البعاد

رافع رايات الشهادة

و سلاحه الإستشهاد

المزيد

                      وجــــــع الفـــــــؤاد

                    شعر : عبد المجيد راشد

مكتوب علينا الهم

موصوفه لينا الدموع

و قلبنا دايما يكون موجوع

مكتوب علينا الشقى

و الفرحة شيىء ممنوع

و الصبر حمله تقيل

صوان بلا أزميل

يشكله غنوه

 يا عين

يا آآآآآآآآه

يا ليل

أمتى السما تمطر

تتحنى يا أرضنا

و روحنا تتعطر

أمتى البراح يملانا

و  نتنفس أحلام هوانا

و نلاقى حضنك يا مصر

وسيع بطول أمة

مكتوب عليها البقاء

بالدم و الشهداء

بالزرع و الأنبياء

و بكل رسالات السماء

أمتى العيون تتملى

 بدل الدموع أفراح

تهدى نفوسنا غنى

و البال يعيش مرتاح

و  نعلى من تانى

ننهض و نبتانى

نطلع ما نفتانى

يا جراحنا يا جراحنا

إتحولى سلاحنا

خطى العتب خطى

كل الشطوط شطى

ارسى فى شط المقاومة

و علمينا العناد

و املى نفوسنا إرادة

فرض الجهاد م العبادة

نصحى على الانتفاضة

تشيل همومنا شيل

و ترجم عتمتك يا ليل

و تهل شمسك يا مصر

تبل ريق النيل

الله يا مصر الله

لما تعود لروحنا الحياه

و لحلمنا رؤياه

و لطريقنا مبتغاه

و للشهيد ذكراه

و للوجود معناه

 و لنوارة قطننا بهاه

و عرق عمالنا يبقى عز و جاه

و ميزان قيمنا ينعدل

و يشوف بعين تانية

المزيد

          بغـــــــــــــــداد

       شعر : عبد المجيد راشد

بغداد

شاهدة على الأوغاد

حكام خيانة

و مهانة

و مذلة

و استعباد

حكام عمالة

و عوالة

و نهب

و استبداد

بغداد

شاهدة

على التاريخ

من المغول

للأمريكان

مع كل حرف اتحدف

فى الفرات

و فى كل نقشة حجر

من اول الدنيا

و لآخر الأعياد

بغداد

مكتوب عليها الحزن

موصوف ليها العناد

و من جدود الأرض

للأحفاد

تلقاها رافعة الراس

م الجذر للأوتاد

يا شهيد يا روح الوطن

يا عزته و العتاد

فرض و علينا الجهاد

و سلاحنا الاستشهاد

الكرب داء

ودواء

و الدم

من جدره

طالعه فروعه

فى كربلاء

يا شدة

وتعدّى

يا محنة

و تغورى

يا جرح واسع

فى عمقه قبر للأعداء

المزيد

" كونى برد يا نار " / "هربانة م الدنيا"

شعر : عبد المجيد راشد / د. حنان فاروق

كونى برد يا نار

و كونى

صرخة فى عتمة سكونى

شمعة فى ليلة سجونى

همسة فى قلبى و عيونى

نغمة

فى لحنى و شجونى

كونى بركان للغضب

هزى ايام التعب

اولدى منها نهار

حركى فيها انتظار

انفخى فى ترابها روح

طببى كل الجروح

رممى كل الشروخ

أولدى فى روحنا الشموخ

علّى صوتنا من لهيبك

حـّّرضي و احنا نجيبك

 اكتبى و احنا نغنى

اطلبى  و احنا نمنى

دوبى فينا السنين

حركى فينا الحنين

حفزى و احنا نلين

دوبى فينا إستكانة

فجّرى فى نفوسنا دانة

فوقينا من استهانة

بالمقاومة و العناد

بالإرادة و الانتفاضة

بيها نتغير و نخرج

من ظلام كاتم بيخنق

من عصابة دورها تشنق

كل حلم بأمة أجمل

كل رؤية لعيشة أنبل

كونى سكة يا نار تزلزل

كل سلطة خاينة لينا

خاينة أحلامنا السفينه

اللى بيها نعدى بكره

يا نسيم الصبح ميل

عندنا و إرمى السلام

شوقنا للحرية طوّل

 يا نسيم شق الغمام

عدى يا أحلامنا عدى

بكره فجره جاى مندّى

هدى يا أوجاعنا هدّى

كل فجر  و خده وردى

بكره جاية الثورة طارحة

شوق جراح العمر فرحة

العروسة زينتها طرحه

المزيد

                طب فيها أيه لما

              شعر : عبد المجيد راشد / د. حنان فاروق

طب فيها ايه

لما

قلبى يسافر فى الفضا

و يغنى يوم فرحان

يطير ما بين أغصان

من ورد بلدى

لورد عربى

لورد يتسمى

طب فيها ايه

 لما

تنتشى الروح فى البدن

تهمس على باب الوطن

يفتح لها قلبه سكن

من حته شرحه

لحته برحه

لحته خاصة

لحته عامه

طب فيها أيه

 لما

تلمح عيوننا الميزان

معدول ما بين كفتين

من كفه صاحيه

لكفه عافية

لكفة صافية

لكفة مهتمة

طب فيها ايه لما

ترمح خيولنا

فى عز ليل السيول و البرق

تنصر أخواتنا

تطرد عدوتنا

من باب حدود الشرق

لابواب حدود أمتنا

نسمع صهيل الجهاد

و كلنا فى المهمة

و تنزاح عن أرضنا غمه

طب فيها ايه

 لما

نشوف قلوب الولاد و البنات

طارحه عنب و آيات

عايشين حياتهم

 فى تبات و نبات

يبنوا الوطن

حته زراعة

 حته صناعة

 حته تجارة

 حته مهارة

 حته علم و جسارة

و حته لمه

و يعلوا صرح الأمة

طب فيها ايه

 لما

نعيش بجد بنى آدمين

نغضب

نهب

نحلم

نشب

نصرخ

نحب

نحس إننا عايشين

المزيد

 لو مخنــــوق

       شعر : عبد المجيد راشد / د. حنان فاروق

 لو مخنوق

فك الطوق

طير

قوى عنادك

متخليش الخوف

 يصطادك

أصرخ

غنى

قاوم

إغضب

فووووووووق

لو مخنوووووق

        ***

لو مخنوق

 ما تحسبهاش

خليك رابط جاش

الدنيا من غير عزة

ما تسواش

من غير موقف جد

ما لزماش

من غير حرية

ما تبقاش

من غير عدل

ما تتعاش

فأبقى

وفووووووق

المزيد