المسحــــــراتى : ( آه يا غـــــزة با محاصــــــرة ) … شعر / عـــبد المجــيد راشـــد
كتبها عبد المجيد راشد ، في 4 سبتمبر 2009 الساعة: 20:10 م
المسحراتــــــى :
آه يا غزة يا محاصــــرة
شعر:
عبد المجيد راشد
مسحراتى
بصرخ ليلاتى
على طبلة صوتها
آنين ناياتى
أصحوا و فوقوا
لكل آتى
أوجاعنا جارحة
و دموعنا سارحة
أوضاعنا شارحة
من غير ما هاتى
*****
النيران فى قلوبنا فــزّة
و الجروح بتزيد يا غزة
و الكلاب اللى بيحكمونا
غرقانين فى النوم بلذة
آه يا غزة
و آه ياغزة
التراب فى دموعه دم
و النفوس مليانه هم
و القلوب مكسية غم
و الشوارع مستكينة
يا شعوبنا يا حزينة
غزة تصرخ بتنادينا
فين شهامتك يا أخينا
كل حكام الخيانة
عار و عارفين من زمان
كل حكام المهانة
إيد صهاينه وأمريكان
كل حكام المذلة
عمرهم ما هينصرونا
يا شوارع هبى هبة
أهلنا عايشين فى نكبة
يا شوارع فزى فزة
إنصرى اخوانّا فى غزة
آه يا غزة
وآه يا غزة
جرحنا بيوسع زيادة
دمّنا بيسيل شهادة
دمعنا ع الخد عادة
و الحكاية مستفزة
آه يا غزة
و آه يا غزة
رغم إن الدم سايل
لسه جوانا الإرادة
لسه رايتنا المقاومة
لسه فرض جهادنا عادة
كل أحلامنا الشهادة
مهما كان القهر أسود
مهما كان الليل غميق
بكره نور الفجر يحشد
اللى عارفين الطريق
يومها يا أقصانا تنشد
للقيامة أغنياتك
تسمع الألحان قلوبنا
تنتفض صرخة آهاتك
أه يا غزة يا محاصرة
الندا بيقول : مناصرة
آه يا غزة يا محاصرة
الندا بيقول : مناصرة
مسحراتى و بنادى
يا أولادى يا أحفادى
أجمل فروضنا الجهاد
أعظم طلبنا الشهادة
و سلاحنا الاستشهاد
مسحراتى بطول البلاد
اصرخ ليلاتى
اصحوا و فوقوا
لكل آتى
رمضان كريم
شهروعظيم
فيه العظات
و المعجزات
و الانتصار
الفجر لازم يولد نهار
و الصبح مولود من نور و نار
مسحراتى
و فى انتظار
الأمة ترفع
راية انتصار
رمضان كريم
يا نايم اصحى
وحد الرزاق
,,,,,,,,,,,,,,,,,,, عبد المجيد راشد
ـــــــــــــــــــــــــــــــــــــــــــــــــــــــــ
التصنيفات : المسحراتى | أرسل الإدراج | دوّن الإدراج
سبتمبر 12th, 2009 at 12 سبتمبر 2009 6:52 م
3سنين تدوين،وأول كتاب
مساء الخير أخ عبد المجيد
اليوم تمر ثلاث سنوات على دخولي عالم التدوين،ألا تظنون أن الذكرى تستحق احتفالية خاصة؟
لم أجد أحسن من لملمة خرافات حبر كتبتها طيلة ثلاث سنوات،في كتاب أهديه لكل الأصدقاء.
كما أطلب من الجميع،ألا يسألوني عن مصير الحساس،ابحثوا في الكتاب،وستجدون الجواب.