المسحــــــراتى : طب فيها أيه لما ؟ … شعر / عبد المجــيد راشـــد
كتبها عبد المجيد راشد ، في 31 أغسطس 2009 الساعة: 20:52 م
المسحـــــــــــــــــــــــراتى
طــــــب فيها أيـــــه لما ؟
شعر : عبد المجيد راشد
مسحراتى
بصرخ ليلاتى
على طبلة صوتها
انين ناياتى
اصحوا و فوقوا
لكل آتى
أوجاعنا جارحه
و دموعنا سارحه
أوضاعنا شارحه
من غير ما هاتى
سألنى عقلى سؤال
طب فيها ايه لما ؟
قلبى يسافر فى الفضا
و يغنى يوم فرحان
يطير ما بين أغصان
من ورد بلدى
لورد عربى
لورد يتسمى
طب فيها ايه لما ؟
تنتشى الروح فى البدن
تهمس على باب الوطن
يفتح لها قلبه سكن
من حته شرحه
لحته برحه
لحته خاصة
لحته عامه
طب فيها أيه لما ؟
تلمح عيوننا الميزان
معدول ما بين كفتين
من كفه صاحيه
لكفه عافية
لكفة صافية
لكفة مهتمة
طب فيها ايه لما ؟
ترمح خيولنا
فى عز ليل السيول و البرق
تنصر أخواتنا
تطرد عدوتنا
من باب حدود الشرق
لابواب حدود أمتنا
نسمع صهيل الجهاد
و كلنا فى المهمة
و تنزاح عن أرضنا غمه
طب فيها ايه لما ؟
نشوف قلوب الولاد و البنات
طارحه عنب و آيات
عايشين حياتهم
فى تبات و نبات
يبنوا الوطن
حته زراعة
حته صناعة
حته تجارة
حته مهارة
حته علم و جسارة
و حته لمه
و يعلوا صرح الأمة
طب فيها ايه لما ؟
نعيش بجد بنى آدمين
نغضب ..نهب
نحلم ..نشب
نصرخ .. نحب
نحس إننا عايشين
من غير فزع
و لا خوف
من غير ما نخشى أى حد
أو تخطى قلوبنا سد
تلاقى سد
و بعده سد
أو تخطف بلدنا عصابة
عاملين بشر
و هما أسوأ م الديابة
ناهبين خير الوطن
لا بيحموا أرض
و لا يصونوا عرض
و كل تخطيطهم
يوّرثونا لبعض
و الدور علينا
نقف ..و نثور
و نشحن الهمة
طب فيها أيه لما ؟
نقف .. و نثور
و نشحن الهمة ؟
أقول تانى :
طب فيها أيه لما ؟
نقف و نثور
و نشحن الهمة
مستنى منكم اجابة
على السؤال و ميعاد
مسحراتى بطول البلاد
اصرخ ليلاتى
اصحوا و فوقوا
لكل آتى
رمضان كريم
شهروعظيم
فيه العظات
و المعجزات
و الانتصار
الفجر لازم يولد نهار
و الصبح مولود من نور و نار
مسحراتى
و فى انتظار
الأمة ترفع
راية انتصار
رمضان كريم
يا نايم اصحى
وحد الرزاق
……………….. عبد المجيد راشد
ـــــــــــــــــــــــــــــــــــــــــــــــــــــــــ
التصنيفات : المسحراتى | أرسل الإدراج | دوّن الإدراج
سبتمبر 3rd, 2009 at 3 سبتمبر 2009 1:28 م
طب فيهاايه لما؟
طب ليه ما…؟
ليه وكيف ومتى
أسئلة تختصر الاحلام
رمضان كريم اخي الحبيب
سبتمبر 11th, 2009 at 11 سبتمبر 2009 8:39 م
سيدى قادنى جوجل الى مدونتك أثناء بحثى عن أجابات لبعض الاستفسارات القانونية بالنسبة لبعض الموضوعات الخاصة بدعاوى فرز وتجنيب ارض زراعية
وسعدت كثيرا ان وجدت باحث وان كان تخصصك فى الاقتصاد الا انة من المؤكد سوف تكون أجاباتك على اسئلتى بعيدة عن العشوائية والنقل دون دراسة اذ اننى تلقيت من بعض اصحاب المواقع القانونية أجابات لكنها تتسم بعدم الدراسة والتفكير جميعها منقولة من الكتب القانونية دون جهد وارى ان القانون يحتاج كثيرا لاعمال العقل للوصول الى التكييف القانونى الصحيح
والحقيقة ان صدمتى لم تكن بسبب عدم الوصول الى اجابات صحيحة بقدر ما كانت بسبب هذا الكم الهائل من المحاميين المصابين بأمية قانونية وانعدام الحس القانونى والبحث والقراءة واسهل وسيلة هى النقل ولا ادرى كيف تسير اللدعاوى بالمحاكم الا انها تسير ( ببركة دعاء الوالدين ) كان اللة فى عون المتقاضين لضياع اعمارهم وأموالهم فى انتظار انصافهم
لذا انتظر ردك على أذا كنت تمارس المحاماة بالفعل للرد على بعض الاستفسارات القانونية
ام انك متفرغ لعمل الدكتوراة ؟ وفى الحالتين سعيدة لتجولى بمدونتك التى اعجبنى الكثير بها ولى عودة للتعليق على البعض
سبتمبر 11th, 2009 at 11 سبتمبر 2009 8:47 م
رمضان كريم
شهروعظيم
فيه العظات
و المعجزات
و الانتصار
كلمات جميلة لكنها للاسف ليست موجهة لنا المعجزات والانتصار لا تأتى لمنتظرين الجودو أبدا لذا سوف يطول ويطول الانتظار
سبتمبر 11th, 2009 at 11 سبتمبر 2009 8:51 م
عذرا للخطأ فى كتابة الايميل — الايميل بالتعلق الثانى هو الصحيح