احنا بشر .. مش عبيد
اهداء الى الجندى الذى صرخ : احنا بشر مش عبيد
شعر : عبد المجيد راشد
الجندى مصرى
و صوته صرخة ألم و عزة و كرامة
جندى و مليانه روحة شهامة
جندى و عارف أنه خير جنود الأرض
صاين للشرف و العرض
تنطق ملامحه بلون سمار النيل
وارث تاريخ العزة فى المواويل
يا أه
يا عين
يا ليل
سلاحه روحه
و تاره همه و جروحه
لما يفيض الكيل
و يحس بإهانه
يخرج كطلقة من جدارالاستكانه
و يعلى صوته فى مهابة
يصرخ فى وش الديابة
احنا بشر مش عبيد
احنا بشر
يا عصابة
احنا بشر
و كل واحد فينا سيد
احنا بشر
منا المقاتل
و منا الشهيد
احنا بشر
و مش عبيد
يا عصابة حكمانا
بالنار و الحديد
احنا بشر
احنا اصحاب الوطن
و حاميينه
و انتوا اللصوص
اللى ناهبينه
انتوا المهانة و المذلة
و احنا منا
اللى بنى و علا
انتوا اللى بتبيعوا الوطن
من غير تمن
و احنا اللى دافعين العرق و الجوع
ساقيين كل طوبة دموع
قايدين من صوابعنا الشموع
و من جدود جذرنا
طالعين فروع و فروع
و كل فرع و له ف الأوان مواعيد
احنا بشر مش عبيد
احنا بشر مش عبيد
....................................
عبد المجيد راشد
الثلاثاء : أخر دقائق العاشر من يونيو 2008
كتبها عبد المجيد راشد في 08:00 صباحاً ::
السلام عليكم
الله يا أستاذ عبد المجيد
كأن الناطق هو الجندي ..يبدو أنك توحدت معه لحظة أن صرخ (احنا بشر موش عبيد)
بالفعل أكثر من رائعة..
نشكرك أستاذنا..
اخى الفاضل
اختى الفاضلة
عضو اتحاد المدونين المصريين
انصحك بالتواصل مع موضوع لحمايتك مما
قد يوقعك تحت طائلة القانون ونحن نعمل
لمصلحتك وحمايتك ..
فى انتظارك بمدونة الاتحاد ولك كل الشكر
نعمل من اجلك ولوجه الله
أختى الأعز الأكرم الأبلغ / د. حنان فاروق
و عليك ووالديك و اسرتك الكريمة السلام القائم على احقاق الحق
نهم
هو ذا
التوحد مع موقف
فيه روائح العزة و الكرامة
موقف فيه اختيار لأن يكون البشر بشرا
دمت
ودام تفاعلك
و ابداعك
الأخوة الأعزاء / اتحاد المدونين المصريين
مرحبا بكم دائما
و آسف للتقصير
و لكن ما للوقت حيلة
دمتم
ودام جهدكم
و جهادكم